ПОД ОВА НЕБО Е МОЈАТА ТАТКОВИНА

 

ПОД ОВА НЕБО Е МОЈАТА ТАТКОВИНА

Под ова небо е мојата татковина,

тука моето срце за првпат се израдува.

И каде  да ме носи животот ,

нејзиното име не згаснува во мојата молитва.

Во мирисот на багремот и родните полиња

детството тивко ми шепоти спомени.

Секоја стапка под моите чекори е будна,

како искра што го чува огнот во мојата душа.

Татковината не се мери со богатство,

ниту со патишта што водат во далечините на светот.

Таа е место каде срцето наоѓа спокој

и каде љубовта вечно живее.

Под ова небо е мојата татковина,

мојата молитва, мојот мир и мојата сила.

Додека срцето ми чука,  ја носам во себе,

како најсветлиот дар под ова небо.

Татковината не е само земја,

туку корен што секогаш во душата расти.

 

Соња Таиривска Ѓурчак

01.07.2026 Улм