ЖИВОТОТ СЕ МЕРИ

 

ЖИВОТОТ СЕ МЕРИ

Животот се мери по делата,

направени за доброто на другите.

По доброто на секој твој чекор  

чекор што оставил добро сеќавање.

По радоста споделена со најблиските

по болката што си ја болувал со своите

по солзите избришани од лицето на мајка ти,

со тагата почуствувана од првиот сосед.

Со позајмените први пари

што си го подигнал темелот на животот.

По доброто што ти го пружил соседот

со кого денес можеби и не зборуваш,

покрај тоа што ти помогнал многу.

Не заборавај животот се мери по доброто

животот го мери времето со  часовникот

кој чука на секоја рака, рака со која си подарил.

Соња Таировска Ѓурчак

15.11. 2026

ЧАСОВНИКОТ НА ВРЕМЕТО

 

 

ЧАСОВНИКОТ НА ВРЕМЕТО

Во сè има време,
но времето исполнето со вистина,
почит и љубов
е најбогатото време.

Тоа е светлина
што не познава граници,
туку се шири како бран
по меридијаните на светот,
допирајќи ги срцата
на луѓето и човештвото.

Соња Таировска Ѓурчак

11.11.2026

 

МК

 

И денес, денот нека ти биде светлина,
која  го осветлува срцето на денот.

Со светлина во мислите, со мир во душата и со радост во секој нов ден! 

 

ТАМУ КАДЕ ШТО ВРЕМЕТО ОДМАРА

 

ТАМУ КАДЕ ШТО ВРЕМЕТО ОДМАРА

По влажната земја се слушаат чекори.

Шумата замолкна,  

одекот на босите стапки

ја наруши нејзината тишина.

Застана печалбарот покрај изворот,

кој бистро жубори,

прелевајќи се низ светлината

и убавината на речните камења.

Тие, неуморни и неми сведоци,

го мерат времето на печалбарите

кои се одмораат покрај изворот,

под сенката на стариот даб.

Ги паметат чекорите на печалбарите

И сите нивни живи приказни

што со нив ги  понесоа.

И додека времето неуморно минува

изворот продолжува да течи

зошто природата и Татковината

никогаш не не забораваат

дека животот е печалбарско патување

што вечно како река течи.

Таму каде што времето одмора.

Соња Таироска Ѓурчак

08.11. 2026

ЉУБОВТА НЕ Е ГЛАСНА

 

 

ЉУБОВТА НЕ Е ГЛАСНА

Љубовта не е гласна,
не е ни скриена во пазувите на животот.

Таа не бара да биде слушната,
туку да биде почувствувана.

Таа живее во тишината,
во погледот, во допирот,
во добрината што не бара сведоци.

Соња Таировска Ѓурчак

03.11.2026

ПЕСНАТА НА ТИШИНАТА

ПЕСНАТА НА ТИШИНАТА

Часовникот го мери времето,
громот го буди небото,
мајчините нозе трчаа по колата
во која заминував од родителскиот дом.

Солзи се тркалаа по моето лице
и од очите на мојата мајка.
Каде и денес се прелеваат
во љубов и во песната на тишината,
која остана да пее
во споменот на детското срце.

Љубовта не е гласна...

Соња Таировска Ѓурчак

03.11. 2026

МК

 ОДГОВОРНОСТ

Најмногу што му недостига на мнозинството луѓе е ОДГОВОРНОСТА. Малкумина се подготвени да ја преземат безусловно, а уште помалку да застанат зад своите зборови, постапки и одлуки.

 

„Одговорноста сите ја бараат од другите, но ретки се оние што безусловно ја преземаат врз себе.“