ПРВИОТ ЧЕКОР

ПРВИОТ ЧЕКОР                                       Велес 22        и во книгата бр.9

Се роди, првиот чекор,

кој излета од утробата на зборот,

во просторот на тишината

се разлетаа слики на возбуда

кој нудат сеќавање

на неблагодарно време.

Ги отворам ширум портите,

влегувам во небото,

ковам нови клучеви,

на секој прст ставам

нов азбучен прстен.

Секоја птица, ги пее песните

од првиот чекор на времето

и сладоста на првиот бакнеж,

која патува во прегратката

на мајчиниот јазик.

Чекорам во ноќта,

а светлината го осветлува секој камен

пред гробовите на моите дедовци.

Првиот чекор, зборот и јазикот ги врзувам

за височината на слогот,

кој вечно гледаат од отворениот прозор.

Секој чекор остава видение,

зад аголот на мојата творечка душа.

Соња Таировска Ѓурчак

28. 11. 2019 Улм Германија.