ВРЕМЕ БЕЗ ОДГОВОР

ВРЕМЕ БЕЗ ОДГОВОР                     Во книгата бр:9

Време без одговор,

како мека постела без сон.

 

Пишувам и песна без наслов,

песна за осаменост

песна на радост и тага,

проширена во стихови

на време без одговор

и мека постела без сон.

 

Сакам да го пронајдам одговорот

го делам стихот во стихови.

 

Посигнувам по звезденото небо

во татковината од која сум одамна одвоена

и по учебникот по историја

да го најдам одговорот.

 

Мислите летаат по улиците ,

очите останаа насолзени,

на бездомниците каде студот стега.

 

Лесно да се живее е мудрост,

а јас сум гостин

во времето без одговор.

Соња Таировска Ѓурчак

14.12.2019 Улм