КНИГАТА СЕ ЗАТВОРИ

КНИГАТА СЕ ЗАТВОРИ                                         Книга бр: 9

Одекнува песната со молитвата,

солзите замрзнуваа во чашата

и во црвеното вино.

Се раздипли постелата,

се покрија очи.

И книгата се затвори,

останаа неколку скинати страници

кој ќе бидат потпалок на утринското ќумбе.

Свеќата гори и ангели пеат.

Улицата плачи,

а кочијата ги понесе тајните

од една животна приказна.

Замина како последен сведок на еден живот

празна остана пораката

а таа, замина во вкусот на земјата.

Соња Таировска Ѓурчак

04. 01. 2019 .Улм