ВО ТИШИНАТА НА ДЕНОТ

 

ВО ТИШИНАТА НА ДЕНОТ

Во тишината на денот

ги прелистувам страниците на книгата,
каде немо се слуша само еден глас

што одекнува погласно

од длабочината на еден живот.

Се живее – сега...
За солза и воздишка време нема,

времето сега пред денот бега.

Овде и сега, пред олтарот на животот,
распослани се боите на надежта,

боите што се излеваат по страниците на книгата.

А еден збор е бисер што го

запишувам во тишината на денот

и во книгата на мојата душа.

Соња Таировска Ѓурчак

21.06. 2026 Улм