ЅВОНОТО ВО ДУШАТА

 

ЅВОНОТО ВО ДУШАТА

Ѕвоното кое далеку се слуша,
не е од камбаната,
туку од тишината на светлината.

Одекнува меко, 
како повик на духот
да се разбуди љубовта
благословена во твоето срце.

По патеката на осаменоста
тече светлина, ја мие болката
и ја претвора во мир.

Во полето на мислите
тишината цвета,
а секој татнеж станува молитва
што бара излез не надвор,
туку внатре
во просторот на душата,
каде времето се расплетува
во вечност.

Соња Таировска Ѓурчак

02. 11. 2025