ВИСТИНАТА НА СОНОТ

ВИСТИНАТА НА СОНОТ

Погледот застана таму,

каде душата замина и

со сонот се бори.

Под урнатини, камења тешки,

прегратки празни,

темнина и болка остана

длабоко во длабочините на

сопственоста на душата,

во зборот празен.

Вените мои,

станаа улици твои,

и времето пишува,

писма праќа......разни.

Знам во овој живот постои закон

во пазувата на утробата

се крие мирисот на животот,

кои е бесмртен.

Душата таласа,

по посевите на полето,

цути сончогледот и се врти

како разиграно дете

со погледот кој бега и ја бара

вистината на сонот.

Соња Таировска Ѓурчак

30.12. 2016 Улм