ЅВОНОТО
ВО ДУШАТА
Ѕвоното кое далеку се слуша,
не е од камбаната,
туку од тишината на светлината.
Одекнува меко,
како повик на духот
да се разбуди љубовта
благословена во твоето срце.
По патеката на осаменоста
тече светлина, ја мие болката
и ја претвора во мир.
Во полето на мислите
тишината цвета,
а секој татнеж станува молитва
што бара излез не надвор,
туку внатре
во просторот на душата,
каде времето се расплетува
во вечност.
Соња Таировска
Ѓурчак
02. 11. 2025
За твојот роденден, чедо мое,
кога радоста одекнува во најголемата тишина,
гласно, свето и благословено се шири низ времето и просторот.
Расти високо, кон небото,
додека сите птици пеат и ја следат твојата искрена и радосна душа —
душа што ја сакам бескрајно.
Среќен роденден, чедо мое!
Zum Geburtstag, mein Kind,
wenn die Freude in der größten Stille erklingt,
heilig und gesegnet laut durch Zeit und Raum sich ausbreitet.
Wachse hinauf, hoch zum Himmel,
während alle Vögel singen und deiner reinen, fröhlichen Seele folgen –
einer Seele, die ich unendlich liebe.
Alles Gute zum Geburtstag, mein Kind!
💗💗💗
Само една жена искрајно и безусловно сака тоа МАЈКА.
💗💗💗
Тежината не е тешка него нашата слабост е голема.
💗💗💗
НАПУШТЕНО ОГНИШТЕ
Патувам...
и силно ја чувствувам човечката расеана душа низ светот
како семе кое го понесоа олуите на општеството,
пишувајќи ги нотите
на последната симфонија на радоста.
А мајчините срца горат од жал по своите деца.
солзите се излеаја во морето
на животот,
од силен плач по сите нив.
Една мајка силно и славно
го моли Бога:
„Боже мили, каде и да одат моите деца
чувај ги, чувај ги секогаш!“
А, мајчината
душа, заспа пред олтарот
на животот, осамена и тажна,
полетувајќи во небото,
осветлуваќи ја патеката
на своите чеда што заминаа во светот.
Дали ќе се вратат?
Во домот...Каде уште тлее
жарот
на напуштеното огниште.
Соња Таировска
Ѓурчак
28.10.2025
ДАРУВАМ ВРЕМЕ
Дарувам време
не во часови и минути,
туку во мигови што светат во душата.
Дарувам време исполнето со радост,
со насмевки што не бледеат,
со моменти што отануваат
спомени,
со љубов што не се мери,
туку само се чувствува.
Дарувам време за мир во срцето,
за сила во денот,
за светлина и кога е темно,
за надеж и кога тишината боли.
Дарувам време
да го пронајдеш своето “јас”,
да ги дофатиш ѕвездите,
да се родиш повторно во секој изгрев,
исполнета со љубов, со вера,со надеж,
и со благодарност.
Дарувам време време за среќен живот,
благословиго и Ти и подариго на
некој друг.
Соња Таировска Ѓурчак
26.10 2025 Улм
Пронајди се восебе
Разбери ги почетоците на земјата и на небото,
тогаш ќе почнеш да го разбираш и светот.
А во себеси, ќе ја најдеш довербата.
Во сè има почеток
Во сè има почеток. Ништо не се раѓа без причина, ниту исчезнува без трага. Земјата, небото, морето и човекот, сите имаат своја прва искра, своја прва тишина од која се родиле. Кога ќе ги разбереш тие почетоци, ќе почнеш да го гледаш светот со други очи.
Ќе сфатиш дека ништо не е случајно. Дека дури и најмалиот здив, најтивкиот трепет на листот, има своја насока и смисла. Почетокот на земјата не е само приказна за камен и прав – тоа е приказна за трпението, за растењето, за постојаното враќање кон суштината. Почетокот на небото не е само простор над нас – тоа е длабочината во нас самите, местото каде што мислата се среќава со вечноста.
Кога ќе ги разбереш овие почетоци, ќе го разбереш и светот – не како хаос, туку како хармонија што постојано се создава. Ќе разбереш дека секој крај е само враќање кон нов почеток, и дека животот не се мери со она што си го изгубил, туку со тоа што си научил да прифатиш.
И тогаш, некаде длабоко во себе, ќе ја најдеш довербата. Не довербата во луѓето или во судбината, туку во самото постоење. Ќе научиш дека светот не мора да биде совршен за да биде убав, ниту ти мораш да бидеш сигурен за да продолжиш напред.
Зашто секое утро е нов почеток, секое дишење – потсетник дека уште сме тука, и дека светот сè уште чека да биде разбран.
ПОКАНА
Почитувани македонски сограѓани,
Со голема радост ве покануваме сите заинтересирани да се
приклучите со ваши нови идеи и проекти кои ќе придонесат за преставување на нашите активности и ќе
донесат нов благословен род и раст во полето на македонската култура, традиција
и општонародни иницијативи, со
песна,стих,оро,наши македонски специјалитети,и се што имаме можност да
преставиме тука на овие простори.кој ќе ги и реализирате без условно.
Во овие проекти нема да биде изоставена ни политиката, како важна и исклучителна тема, но со еден голем услов: без
навреди, без омраза и без напаѓања, без разлика на политичката припадност
на секој поединец.Размена на новост
и совети за подобро утре.
Нашата политичка, културна и духовна традиција треба да биде
насочена кон доброто на човекот и народот, во дух на разбирање, љубов и заемна
почит.
Ги почитуваме вашите
идеи и предлози преставите ги лично пред раководството на клубот, кој е задолжен за разгледување и реализирање на вашите новодојдени проекти.
Ве
очекуваме во што поголем број и ви благодариме за вашето време, труд и искрена
желба за ширење на македонската култура и доброто на нашиот народ.
Ние сме тие кои треба да се грижиме за нашата татковина, како пратеници на Бога, да ја шириме Неговата благословена
порака.
Нашата земја е библиска земја, извор на животот, кој треба да го следиме,
славиме и споделуваме со сите народи, не со сила, не со омраза, туку со
љубов и почит.
А љубовта е највисокиот израз на човечноста и најубавото
лице на секој народ.
Македонија ќе го почувствува нашето залагање и ќе биде не
само среќна, туку и горда што нè избрала за нејзини посланици тука овде во светот.
Клубот е отворен
секоја недела од 16 часот, Platzgasse 18
. Ulm . За повеке информации кај
Преседателот Ангел Петровски
Со силен и свет поздрав,од
Раководството на
македонскиот Клубот
Кирил и
Методиј Улм и од
Соња Ѓурчак.
!5. 10. 2025 Улм
