ДЕНЕС Е НЕДЕЛА кн 11

 ДЕНЕС Е НЕДЕЛА

Недела е знам

во едната одаа е шест сатот

во другата одаа е седум,

ми се потсмеваат и двата часовници.

Кога се пробудив,

беше седум или шес ?

Не, сигурно им се потсмевам и јас

гледаќи надвор низ прозорецот

во светлината и звухот

на песната и утринскиот ветер.

Недела е, звони тешината

врз сите часовници,

стрелките отскокнуваат од бројка до бројка.

Часовникот е сведок на времето

заробен во тишината на орото.

Денес е недела,недела е знам.

Соња Таировска Ѓурчак

30.10.2022 Улм

МОЛК ВО ШУМАТА кн 11

 

 

МОЛК ВО ШУМАТА

Се соголи шумата  и замолчи,

во срам на поглед,пред гранките голи,

капка солза, тишина полна

од страв која бега пред вистината.

Глас кој го буди денот

скриен во ноќта,

боите на  една душа  се одмараат

во гласот на песната.

Пред виулицата на стравот,

устата остана отворена 

а сонот се ниша пред очите на денот.

Се соголи шумата  и замолчи.

 

Соња Таировска Ѓурчак

30.10.2022 Улм

МК

 

 

Земјата и книгата

имаат и двете големо значење,

само од книгата неизвира реката

ни се сее пченицата...

МК

 

Се вселив во континентот на книгата,  

каде е стиснато моето дество

измеѓу кориците на книгата

ме буди деството, се роди зората.

МК

 През цел ден,молчам, читам или пишувам,се пребројувам со тишината која се ниша...

ЧЕТИРИ КАПКИ ВОДА кн 11

 

ЧЕТИРИ КАПКИ ВОДА

На исток капка вода

на запад солза моја,

север завива на глас

а југ далеку  од нас.

На четири страни  вода

ни трага ни глас од рода,

со времето туѓината ја делам

туѓина долга која лето нема.

Четири капки вода

капка по капка течат во иста река,

со крст вода се свети на сите четири страни,

за мир и радост црквата наша моли

овој народ да го спаси.

Исток,запад, север, југ

на сите четири страни светот е ист и нема друг.

Соња Таировска Ѓурчак

04.10.2022 Улм

 

ПАТУВАМ БОСА кн 11

 ПАТУВАМ БОСА

Патувам боса со песната,
со песната од која ме болат нозете
долги печалбарси песни
кој ги пишувам на мајчин јазик.
Одам боса,
пишувам македонска песна
на прстите ноктите ме болат
а туѓите чевли ме стегаат..

Соња Таировска Ѓурчак
03. 10 2022 Улм