РЃОСАНИОТ ФЕНЕР

 

РЃОСАНИОТ ФЕНЕР

Рѓоса фенерот во заборав,
треперејќи како очи во солзи.
Во небото остана затворено писмо
што никој не се осмели да го отвори и прочита.

Само ветерот се слуша —
немиот сведок на расправијата
помеѓу минатото и иднината.

Дрвото, пресечено,
во шепот со тивкиот ветер
сака да каже:
„И во болката има болка,
и во смртта има време,
и во рѓата има, и рѓа, и време.“

Соња Таировска Ѓурчак

29.06. 2025 Улм

---